Helpdesk

Yng Nghynllun Corfforaethol 2018 – 2023 Cyngor Celfyddydau Cymru, amlinellwyd cynlluniau i gefnogi sector Cymru wrth ddatblygu'i gynnig ‘er budd pawb’.

‘Erys y ffaith gignoeth fod gormod o bobl yn cael eu heithrio i bob pwrpas rhag y cyfle i fwynhau’r celfyddydau, cymryd rhan ynddynt neu weithio yn y maes.Mewn cymdeithas deg, ffyniannus, iach, fyddai hyn ddim yn gwneud y tro o gwbl.Os ydym ni’n credu fod profiadau dyrchafol y celfyddydau, profiadau mynegiant dychmygus, yn hanfodol i gymdeithas iach a dynamig, yna dylent fod ar gael i bawb.’ – Nick Capaldi[LH1] , Cyngor Celfyddydau Cymru, Cynllun Corfforaethol 2018 – 2023 

Mae Audience Finder yn fan cychwyn defnyddiol i sefydliadau sy'n ceisio monitro cyrhaeddiad eu gwaith ar draws poblogaeth Cymru a nodi bylchau yn eu cynulleidfaoedd presennol. Cyrchu'r data hanfodol hwn yw'r cam cyntaf tuag at nodi a gwaredu'r rhwystrau sy'n atal rhai rhannau o'r boblogaeth rhag profi eich gwaith.

Rydym wedi creu canllaw byr i'ch helpu i ddefnyddio data, offerynnau a gwasanaeth Audience Finder at y diben hwn.

Beth yw fy nghyrhaeddiad i ardaloedd o amddifadedd yng Nghymru?

Os ydych yn cyfrannu data tocynnau at Audience Finder, gallwch fewngofnodi i'ch dangosfwrdd Audience Finder 2.0 Beta a chael mynediad at ddadansoddiad o'ch archebwyr yn ôl ardaloedd amddifadedd lluosog yng Nghymru.

Os yw canrannau eich archebwyr ym mhob band yn debyg i broffil eich dalgylch, mae'n dangos bod eich cynulleidfa'n cael ei denu'n gyfrannol o bob rhan o'ch cymuned leol. Fodd bynnag, os ydych chi'n gweld gwahaniaeth yn y niferoedd, yn dibynnu ar nodau eich sefydliad, efallai ei bod hi'n bryd ailedrych ar eich strategaeth ar gyfer amrywiaeth a chynhwysiant economaidd-gymdeithasol.

A wyf yn ymgysylltu â chynulleidfa sy'n cynrychioli amrywiaeth y boblogaeth yn fy rhanbarth/cenedl?
 Os ydych yn cyfrannu data arolwg at Audience Finder, gallwch fewngofnodi i'ch dangosfwrdd Audience Finder  a chymharu oedran, rhyw, ethnigrwydd ac anabledd eich cynulleidfa bresennol â data poblogaeth ar gyfer eich rhanbarth, neu ar gyfer Cymru gyfan. 

Yn ogystal, gallwch edrych yn benodol ar eich cynulleidfaoedd yn ôl ffurf ar gelf, gan eich galluogi i nodi pa rannau o'ch rhaglen bresennol sy'n cynrychioli'ch poblogaeth orau a pha rhai sy'n peidio.

Sut allaf waredu rhwystrau anweladwy yn fy rhaglen, gofodau a dull marchnata er mwyn cyrraedd grwpiau nad wyf yn ymgysylltu â nhw ar hyn o bryd?

Os ydych yn cyfrannu data tocynnau neu ddata arolwg at Audience Finder, gallwch gael mynediad at ddadansoddiad Audience Spectrum o'ch cynulleidfa bresennol o fewn eich dangosfwrdd.

Arddangosir y canfyddiadau hyn ochr yn ochr â meincnod o'ch dewis, gan ddarparu cyd-destun ar gyfer data'ch sefydliad.

• Data cyfrifiad cenedlaethol (data poblogaeth Cymru)
• Data cenedlaethol Audience Finder (data mynychwyr y celfyddydau o Gymru)

Wedi nodi pa broffiliau Audience Spectrum sy'n cael eu tangynrychioli yn eich cynulleidfaoedd, gallwch edrych ar bob un yn fanylach trwy ddewis yr opsiwn ‘Segment’ o dan tab ‘National Data’ eich dangosfwrdd. O hyn, dylech allu canfod nodweddion y grwpiau sydd ar goll o'ch cynulleidfaoedd.

O'r fan hon, ewch i'r adran ‘How to Engage’ ym mhob portread pen Audience Spectrum, trwy glicio ar ‘More Info’ o dan deitl y segment.

Fan hyn, byddwch yn dod o hyd i ddigon o awgrymiadau defnyddiol ar addasu popeth o'ch rhaglen a phartneriaid corfforaethol, i dactegau marchnata a phrisiau, i ymgysylltu â'r grŵp hwn yn well.

A chofiwch, os ydych yn cynllunio ymgyrch bostio uniongyrchol, defnyddio’r cyfryngau cymdeithasol neu hysbysebu ar y strydoedd, gallwch ddefnyddio offeryn mapio Audience Finder er mwyn dod o hyd i godau post yn eich ardal sydd â niferoedd uchel o'ch segment targed.